نكت مغربية

موضوع: نكت مغربية الخميس نوفمبر 12, 2009 8:05 pm

السلام عليكم و رحمة الله تعالى

هدا واحد القسم قالهم المعلم اشرحوا كلمة انتصار حتى واحد معرف ،قالهم انعطيكم مثال : انتصر المسلمون على الكفار ،حتى واحد معطاه الإجابة قالهم انعطيكم مثال ساهل : انتصرت برشلونة على الريال تلاميد داروا ( وي ي ي ي ي ) قالهم المعلم شنو فهمتوا و هو واحد يرفع صبعوا وقالوا المسلمون و البرسا فالفينال ( finale).

*********

واحد البوليسي اول مرة غايخدم . وقف فالرومبوان وهو يوقف واحد خينا ودار بينهم الحوار التالي
الشرطي : فين السمطة؟
السائق ... خرجت دغيا ونسيتها فالسروال لاخر .
الشرطي ..... هدا الطانوبيلة مسورية؟
السائق ... لا ماشي من سوريا من المغرب .
الشرطي ... هات أوراقك . وملي شد الوراق لقى التصويرة فالبيرمي قديمة وما بايناش وقال ليه الشرطي .... مالك ما كتبانش؟
السائق .... غير من الدار لخدمة .
لبوليسي طلع ليه الدم ومشى لاح ليهم الكسوة .

**********

قالك هدا واحد مبوق قال لصاحبه حلمت اننا ولينا فنانين انت فنان تشكيلي وانا فناننشكيلك

***********

واحد مكلخ جالس مع صحابو او هما يبداو كيتكلمو على المنطق هو ما فهم والو او هو يسول واحد حداه او قال ليه

" من صباح او نتوما كتهدرو على المنطق او انا غير كانشوف فيكم اشنو هو النطق؟ " او هويقول ليه " عندك بريكا " قال ليه ايه او هو يقول ليه " يعني كتكمي " قال ليه ايه قال ليه " يعني كتجلس فلقهاوي " قال ليه ايه قال ليه " يعني كتبقا حاضي الي غادي او الي جاي " قال ليه ايه قال ليه " يعني كتصيد لبنات " قال ليه ايه قال ليه يعني " انت راجل " قال ليه ايه او هو يقول ليه هادا هو المنطق من بريكا عرفت عليك كلشي . او هو يمشي عند باه قال ليه واش عندك بريكا قال ليه لا او هو يقول ليه يعني انتا ماشي راجل .

*************

قاليك هادي شركة ديال كوكا بغات دير اشهار مباشر وهي تجيب واحد المتطوع

قالت ليه غادي تجري من الدار البيضاء للمحمدية وغادي توصل لمول الحانوت

غتقولو واش عندك كوكا غيقولك لا وغادي تكمل حتى الرباط وتمشي لعند الحانوت

غتقولو واش عندك كوكا غادي يعطيها ليك وتقول كوكا الانتعاش

.

اوا بداو كيصوروا خونا وصل للمحمدية مهلوك مقتول

..

قالو عندك كوكا قالو لا

..

قالو اعطيني سيدي علي

.. فانتا .. ريدبول .. سبرايت .. اي حاجة كتشرب .

**********

********

واحد تابع وحدة بطوموبيل ديالو طلعات ليه لقاها خايبة

. قال ليها اش سميتك قالت ليه غزلان . قال ليها زيدي جهلي فيا ..

**************

أرجو ان تنال إعجابكم

... يا رب

و ما تنساوناش

موضوع: رد: نكت مغربية الجمعة نوفمبر 13, 2009 4:37 pm

ههههههههههههههههههههههههههه

شكرا اخي اسامة

بارك الله فيك

موضوع: رد: نكت مغربية الجمعة نوفمبر 13, 2009 8:25 pm

هههههههههههههههههه يعطيك الصحة اخي اسامة

هههههههههههههههههههههههه مشكورررر اسامة

ههههههههه مشكووووووووور

موضوع: رد: نكت مغربية الجمعة يناير 01, 2010 3:05 pm

هههههههههههههههههههههههههه
بارك الله فيك

» اكلات مغربية