©{"على كرسي الإعتراف الأخت نزيهة...... "}©

السلام عليكم ختي نزيهة بما اني منعرفكش نحوس نتعرف عليك وعندي بعض الاسئلة لا تقدري جاوبي عليها
وين تسكني بدات في سطيف ؟
من هو اعز الأصدقاء في السكايب ؟
هلي نتي راسك خشين ؟
اخر مرة كذبتي فيها؟
انسان تعرفتي بيه وراكي حصلا معاه؟
واش يعنيلك حرف m!
تعرفي طيبي شوي ؟
ماهو نوع السامسونق تاعك يعني الهاتف؟
هل عندك اسم يعيطولك بيه في الدار ؟
هل انتي مدللة في البيت او لا؟
هل انتي علا علاقة حاليا؟
من تحبين اكثر الاب ام الام؟
هل لكي رغبة في الذهاب لي فرنسا كما يفعله كل الشعب الجزائري؟
واش رايك في الحرقة؟
ديتي البرمي ولا مزال؟
لمن تشكي نزيهة ولمن تفرغ قلبها؟
ونشالله نكون مطولتش عليك ختي نزيهة وارجو الاجابة الصادقة وعدم التهرب من اي سؤال وعدم وضع علامة الاستفهام وربي يعاونك وشكرا.

هانا مونتانا كتب:

هاااااااااااااااااااااااااي نزيهة حبيبتي انشاء الله تكوني بخير
اهليييييييييييييين واش هذي الغيبة و الله تحيرت عليك, و الحمد لله انا بخير كي راكي انت بخير حنونتي
عالم من العلماء اعجبت بمنجزاته او نظرياته من هو وماهو سر الاعجاب؟
كاين اكثر من عالم : الدكتور الزويل العالم الكيميائي المصري الذي اخذ جائزة نوبل , و كاين لي اكتشف بنية ال DNA نسيت اسماءهم على خاطر هما 2
كتاب اطلعت عليه واعجبك ما اسمه ?
في الحقيقة انا مقصرة من هذه الناحية احب المطالعة لكن الانترنت أخذتني منها و لكن اكثر الكتب اعجبت بها بعدالكتب الدينية و سيرة الانبياء , فوضى الحواس للمبدعة احلام مستغانمي قصة روعة , ألف ليلة و ليلة , و هذه الايام انا في صدد قراءة البؤساء
كيف هي روح القتال عندك ?
راكي تعرفيني انا نأمن بوحد المقولة : لي ماهو ليك يعييك يعني ماكان لاه للروح القتالية
مطلب يحقق التنمية او الازدهار في البلاد تتمنين ان يتحقق ؟
و الله اتمنى يوفرو مناصب شغل مناسبة و خاصة لخريجي الجامعة و هكذا ممكن ان يحدث اتزان في البلد و ربما في يوم ما نتطور
انتهلاي في روحك حنونة انشاء انكون ما قلقتكش

الله يخليك و شكرا على مرورك

mass كتب:

السلام عليكم ختي نزيهة بما اني منعرفكش نحوس نتعرف عليك وعندي بعض الاسئلة لا تقدري جاوبي عليها
و عليكم السلام و اهلا بيك اخي في أسرتك الثانية
وين تسكني بدات في سطيف ؟
Le centre de la ville و لا اضن تحديد المكان مهم بالنسبة لك
من هو اعز الأصدقاء في السكايب ؟
و الله يوجد الكثير و الحمد لله منهم: هانا منتانا , جمال , فدرير هذو من المنتدى و كاين من خارج المنتدى
هلي نتي راسك خشين ؟
كل واحد فينا راسو خشين في امور و متساهل في امور أخرى لكن انا كما يقولولي متساهلة في اغلب الاحيان و الحمد لله
اخر مرة كذبتي فيها؟
سؤال محرج ههههههههه البارح
انسان تعرفتي بيه وراكي حصلا معاه؟
الحمد لله ماكانش
واش يعنيلك حرف m!
لماذا هذا الحرف بالذات ?
تعرفي طيبي شوي ؟
نسلك راسي
ماهو نوع السامسونق تاعك يعني الهاتف؟
رايا برك
هل عندك اسم يعيطولك بيه في الدار ؟
كاين كما يقولو يدلعوني
هل انتي مدللة في البيت او لا؟
بالتأكيد لانني اخر العنقود
هل انتي علا علاقة حاليا؟
اكيد على علاقة صداقة و ود و احترام مع كل الاصدقاء و الصديقات و خاصة عبر منتدانا العزيز
من تحبين اكثر الاب ام الام؟
كأنك تقول لي اختاري بين عينك اليمنى و اليسرى كلاهما بنفس المحبة و المعزة بكل تأكيد
هل لكي رغبة في الذهاب لي فرنسا كما يفعله كل الشعب الجزائري؟
ربما لتكملت الدراسة ان امكنني ذلك
واش رايك في الحرقة؟
و الله ظاهرة تتفشى في كل المجتمعات
ديتي البرمي ولا مزال؟
ديتو عندها بزاف بصح بالسيف كون كان علابالي بلي البارمي واعر مانديروش
لمن تشكي نزيهة ولمن تفرغ قلبها؟
نشكي لربي سبحانو و لقلبي
ونشالله نكون مطولتش عليك ختي نزيهة وارجو الاجابة الصادقة وعدم التهرب من اي سؤال وعدم وضع علامة الاستفهام وربي يعاونك وشكرا.

شكرا ليك اخي و ارجوا ان نجدك منور المنتدى بمساهماتك و مشاركاتك

amir2009 كتب:

راكي غيضتيني يختي نزيهة والله غير بزاف حقروك وانتي وش داك ديري كرسي الاعتراف
راك تشوف بقاو 3 ايام برك هههههههههههههه
*** عندي هدا السؤال برك ****

*** كيف اتتكي فكرة انشاء موضوع كرسي الاعتراف ؟؟؟؟؟؟؟؟
و الله و للأمانة هذي فكرة السيد المدير و طرحها عليا و انا عجبتني الفكرة بصح مادرتش في بالي بلي نقعد على هذا الكرسي بصح ماعليهش رانا أسرة واحدة و ان شاء الله نكون في المستوى المطلوب
شكراااااااااااااااا

شكرااااااااااااااا ليك اخي امير

والله يعطيك الصحة اختي نزيهة

على اجوبتك الصريحو



وشكرا

ياخاه شكون راهو على كرسي الإعتراف

نزيهة


هههههههههههههههه

[quote="the king"]والله يعطيك الصحة اختي نزيهة

على اجوبتك الصريحو



وشكرا[/
الله يسلمك و هذا من دواعي سروري انني نكون صريحة و يا خويا يعطيك الصحة على الاهتمام و ان شاء الله تفرحنا و نجيو نباركولك بالنجاح باذن الله

amel كتب:

أهلا بك أختي نزيهة اهلا بيك و الحمد لله كي تفكرتينا

إليك أسئلتي: ربي يستر

ماهو شعورك إن أحسست بأنك ظلمتي شخصا عزيزا عليك؟؟؟
انا من طبعي اذا اخطأت اطلب العفو
وماهو تصرفك حينهاااااااا؟؟؟
اذا كنت ظالمة فصدقيني انني امرض و اكون في حالة نفسية مزرية حتى يسامحني الطرف الاخر
هل أنت من النوع المسامح؟؟؟
نحاول نكون مسامحة بقدر الامكان
ماهو الأسلوب الذي تعتمدينه في شرح بعض تصرفاتك(مع من يستحق)طبعا ؟؟؟
اعتمد الصدق و كثرة الشرح لدرجة انني احس نفسي مملة من كثرة التبرير

هل تفضلين الدراسة الجامعية على الدراسة الثانوية؟؟؟ولماذا؟؟
بالعكس افضل الثانوي على الجامعة لان افضل الذكريات و افضل الاصدقاء و افضل الاساتذة في الثانوي هذا لا يعني ان الجامعة سيئة و لكنني بطبعي أحب الانضباط الموجود في الثانوية و ان شاء الله جيبي الباك و ارواحي تقراي عدنا و تشوفي الجامعة

هل تستمعين لأحاديث قلبك؟؟؟ههههههه
اكيد كلنا نسمع لأحاديث القلوب

ماذا تقولين لمن في هذا الموقف(كل واحد منهما يلوم الآخر بالظلم ويحاول أن يثبت ذلك مع العلم أنهما الإثنين مظلومين)؟؟؟
لا دخلت فيها انا راهي ما تفراش هههههههههههههه
هل تضحكين لنكت شخص تكرهينه حتى الموت؟؟؟
الصدق لا اكره اي احد ربما لا احب لكن لا اكره

من هو اعز انسان على قلبك؟
الوالدين

هل تظنين ان الجزائر ستتأهل للمونديال؟
ان شاء الله

ماهو اكثر شيئ يعجبك في الاطفال عدى البراءة
انهم لا يعرفون الخيانة و الغدر

هل تابعتي القناص وهو رسوم متحركة مشهووووووووووووور كنت احبه قديما اذ ا اجبتي بنعم فما هي شخصيتك المفضلة فيه ولماذا
للاسف ما نعرف هذا الرسوم اخر رسوم تبعتو كان المحقق كونان

نحرقك بالبارد او نحرقك بالقدر ونطيحلك المورال بالسكوت = هذا مثل جزائري معروف في منطقتي لمن تهديه الحرف الاول من الاسم واللقب
ههههههههههههههههه المشكل انا مانسكتش

هههههه علابالي اسئلة تافهة بصح راجعتلك

اواه اسئلتك ماهيش تافهة و يعطيك الصحة عليهم و انا في الانتظار شكرا ليك حنونتي

بارك الله فيك غاليتي على إجابتك الصريحة

ان شاء الله اختي نزيهة ننجح ونعرضكم اكل

كثرون من الدعاء برك

وجزاكم الله خيرا

السلام عليكم
اشكر كل الاعضاء على صبرهم معي في هذا الاسبوع و ان شاء الله اكون اشبعت فضولكم و اكون في مستوى اسئلتكم و باركالله فيكم
اختكم نزيهة[b]

بارك الله فيكي نزيهة والله غير كنت متواضعة وضريفة ودقيقة في اجابتك

واش مشفتيناش عضو اخر ؟؟؟؟؟؟؟؟؟

و الله راني نستنى في سي اسماعيل كاشما يجيب على خاطر تقديمو روعة ولا واش رايك يا خويا سامي

لالا سماعيل مدلك التقديم برك..

انتي صاحبت هدا القسم انا برك ليقتلو واش رايك نديرو نزيهة في كرسي الاعتراف


وادا تفاهمتو مكانش مشكل

تحياتي........